კოზმინსკის უნივერსიტეტი დაარსდა 1993 წელს. იგი არის კერძო უმაღლესი სასწავლებელი. უნივერსიტეტმა მოიპოვა როგორც პოლონეთის, ისე საერთაშორისო აკრედიტაცია, ასევე აჩვენა ბრწყინვალე შედეგები გლობალურ და ეროვნულ საგანმანათლებლო რეტინგებში, რაც მეტყველებს მის მიერ შეთავაზებული პროგრამების და სერვისის მაღალ ხარისხზე. ამ ხარისხის გათვალისწინებით კოზმინსკის უნივერსიტეტის დიპლომი საკმაოდ პრესტიჟულად ითვლება. უნივერსიტეტი სთავაზობს სხვადასხვა პროგრამებს – ბაკალავრიატი, მაგისტრატურა, დოქტორანტურა, მათ შორის ინგლისურ ენაზეც.
კოზმინსკის უნივერსიტეტის კამპუსი გადაჭიმულია 3,4 ჰექტარზე და შედგება სხვადასხვა შენობებისგან. აქ განთავსებულია: აკადემიური და ადმინისტრაციული პერსონალის ოფისები, სალექციო დარბაზები და აუდიტორიები, კომპიუტერული ლაბორატორიები, ბიბლიოთეკა, სასწავლო ოთახები, შეხვედრების ოთახი, ფიტნეს ცენტრი, წიგნების მაღაზია, საფოსტო ოფისი, კოპირების აპარატები, სტუდენტური სასადილოები და კაფეტერიები. აუდიტორიების და სალექციო დარბაზების 60% აღჭურვილია მაღალი კლასის აპარატურით – ქსელში ჩართული კომპიუტერებით და აუდიო–ვიზუალური მოწყობილობებით, როგორებიცაა პლაზმური ეკრანები და მონიტორები, პროექტორები, ვიდეო და აუდიო ჩამწერები.
უნივერსიტეტს აქვს 6 დიდი აუდიტორია (100–დან 200 კაცამდე) ასევე, 26 სალექციო ოთახი (50–დან 100 ადგილამდე) და 24 სასწავლო კაბინეტი (50 ადგილი). დიდი აუდიტორიები აღჭურვილია აუდიო–ვიზუალური აპარატურით. უნივერსიტეტს აქვს 5 სასემინარო და სადისკუსიო ოთახი, აგრეთვე „სენატის ჰოლი“ (120 ადგილიანი), 4 კომპიუტერული ლაბორატორია და 2 სერვერის ოთახი.
კამპუსის ტერიტორიაზე ფუნქციონირებს 3 სტუდენტური სასადილო, 2 კოპირების ოფისი, ბანკომატი, 5 ყავის აპარატი, საფოსტო ოფისი და სხვა. პარკირების ტერიტორია გათვლილია 400 მანქანაზე (სტუდენტებისთვის) და კიდევ დამატებით 70 მანქანის ადგილი აკადემიური პერსონალისთვის.
კამპუსის ტერიტორიაზე არის 1 სათამაშო მოედანი და 2 სპორტული დარბაზი. დამატებით უნივერსიტეტს დაქირავებული აქვს საცურაო აუზი, საუნა, საკალათბურთო და ხელბურთის დარბაზები.
მთავარი შესასვლელი ჰოლი 600 კვ.მ ხშირად გამოყენება არა მარტო სტუდენტთა თავშეყრის და დასვენების ადგილად, არამედ აქ რეგულარულად იმართება აგრეთვე წიგნების გამოფენებიც.
კოზმინსკის უნივერსიტეტის ბიბლიოთეკა მოიცავს როგორც ბეჭდურ, ისე ელექტრონულ წიგნებს. მთელი კოლექცია შედგება 35 ათასამდე ბეჭდური წიგნისგან, ასევე საჭიროების შემთხვევაში სპეციალური შეთანხმებით ხელმისაწვდომი ხდება ელექტრონულად წიგნები სხვა უნივერსიტეტების ბიბლიოთეკებშიც (მაგალითად, ლუნდის უნივერსიტეტი). უნივერსიტეტის ყველა სტუდენტისთვის ხელმისაწვდომია 7 კომპიუტერული ლაბორატორია (კლასი) რომელიც მოიცავს საერთო ჯამში 235 პერსონალურ კომპიუტერს.
2009 წლიდან კოზმინსკის უნივერსიტეტი დასახელებულია პრესტიჟულ მსოფლიოს ბიზნეს სკოლების რეიტინგში, რომელსაც აქვეყნებს „ფაინენშელ ტაიმსი“. ამ რეიტინგის მიხდვით 2009–2014 წლებში იგი იყო 41–ე ადგილზე ევროპის ბიზნეს სკოლების შორის, 21–ე ადგილზე ფინანსების განხრით სამაგისტრო პროგრამებს შორის.
კოზმინსკის უნივერსიტეტი ფლობს სერთაშორისო აკრედიტაციას ისეთი ორგანიზაციებიდან, როგორებიცაა EQUIS, AMBA და AACSB. ეს უკანასკნელი მინიჭებული აქვთ ისეთ პრესტიჟულ უნივერსიტეტებს, როგორებიცაა იელი და ჰარვარდი.
უნივერსიტეტი გთავაზობთ სწავლას ინგლისურ ენაზე შემდეგ სპეციალობებში (სწავლის ფასი მითითებულია წელიწადში):
მიმდინარეობს ფასების და სპეციალობების დაზუსტება.
სარეგისტრაციო გადასახადი: 750 PLN (182 €)
ინგლისური ენის ცოდნა:
კოზმინსკის უნივერსიტეტში ჩარიცხვისთვის აუცილებელი მოთხოვნა არის ინგლისური ენის ცოდნა. ინგლისურენოვან პროგრამაზე სწავლის მსურველებმა უნდა წარმოადგინონ ინგლისური ენის ცოდნის დამადასტურებელი საერთაშორისო სერთიფიკატი (TOEFL 87, IELTS 6.5, FCE-A,B,C და სხვ.)
ცხოვრების საფასური:
უნივერსიტეტი სთავაზობს სტუდენტებს ცხოვრებას ვარშავაში სტუდენტურ საცხოვრებელში. თითოეულ ოთახში შესაძლებელია განთავსდეს 1,2, 3 ან 4 სტუდენტი. ფასები დამოკიდებულია ადგილმდებარეობაზე და ოთახების აღჭურვილობაზე, თვეში 160–დან 225 ევრომდე.
საბუთების მიღების ვადები:
ბოლო ვადაა 31 აგვისტო, 2021 (სწავლა იწყება ოქტემბერში).
წლიანი მუშაობის გამოცდილება
სასწავლო დაწესებულება
ქვეყანა მსოფლიოში
კმაყოფილი სტუდენტი