IELTS და TOEFL გამოცდებს შორის არჩევანი საკმაოდ რთულია, რადგან ორივეს აქვს დადებითი და უარყოფითი მხარეები. მიუხედავად ამისა, თითოეულის სტრუქტურისა და გამოყენების შესაძლებლობის საფუძვლიანი გაგებით, ადვილი იქნება სწორი არჩევანის გაკეთება. ორივე ამ გამოცდის მიზანია ინგლისური ენის ცოდნის დონის შეფასება, თუმცა ისინი განსხვავდებიან ქულების სისტემით, ფორმატით და ინსტიტუციური მიღების მიხედვით. TOEFL-ის გამოცდა ფოკუსირებულია ამერიკულ ინგლისურზე, IELTS კი ბრიტანულ ინგლისურზე. TOEFL უფრო აქტუალურია აშშ-ს უნივერსიტეტებისთვის და IELTS საყოველთაოდ აღიარებულია დიდ ბრიტანეთში, ავსტრალიაში და კანადაში. ამრიგად, მნიშვნელოვანია გვესმოდეს, თუ რისთვის გჭირდებათ ინგლისური ენის ცოდნის გამოცდის ჩაბარება და რომელი ტესტის ფორმატი გირჩევნიათ, რომ აირჩიოთ სწორი.
რა არის IELTS და TOEFL?
IELTS (ენის ტესტირების საერთაშორისო სისტემა) არის საერთაშორისოდ აღიარებული სტანდარტული ტესტი, რომელიც მიზნად ისახავს შეაფასოს ინგლისური ენის ცოდნის დონე იმ ხალხის, ვისთვისაც ინგლისური არ არის მშობლიური ენა. ყოველწლიურად სამნახევარი მილიონი ადამიანი 140-ზე მეტ ქვეყანაში ირჩევს ამ ტესტის ჩაბარებას როცა სურთ უნივერსიტეტებში მოხვედრა, ინგლისურენოვან ქვეყნებში დასაქმება და ემიგრირება. IELTS-სა და სხვა ტრადიციულ ტესტებს შორის განსხვავება ისაა, რომ ის ამოწმებს და აფასებს ადამიანის უნარს გამოიყენოს ინგლისური ცოდნა რეალურ სამყაროში, მათ შორის საგანმანათლებლო, პროფესიულ და ყოველდღიურ გარემოში. IELTS ტესტი ხელმისაწვდომია ორ ფორმატში: IELTS Academic არის მათთვის, ვისაც სურს ისწავლოს საზღვარგარეთ უნივერსიტეტებში, ხოლო IELTS General Training არის მათთვის, ვისაც სურს გააგრძელოს აკადემიური ხარისხის მიღების გარეშე სწავლა, დასაქმება ან მიგრაცია ავსტრალიაში, ახალ ზელანდიაში, კანადაში ან დიდ ბრიტანეთში.
TOEFL (ინგლისური, როგორც უცხო ენის ტესტი) არის წამყვანი ამერიკული გამოცდა მსოფლიოში, რომელიც აღიარებულია სხვადასხვა ინსტიტუტებისა და უნივერსიტეტების მიერ. ტესტი ასახავს რუტინული აკადემიური კონტექსტებისთვის დამახასიათებელ ენობრივ ნიმუშებს და ეხმიანება რეალურ სცენარებს. IELTS-თან შედარებით, TOEFL ასევე ამოწმებს კითხვის, მოსმენის, ლაპარაკის და წერის ძირითად უნარებს. დღეისათვის TOEFL iBT ტესტის ჩაბარება შესაძლებელია სამი ფორმით: საგამოცდო ცენტრში, ქაღალდზე და სახლიდან.
IELTS და TOEFL მსგავსება და განსხვავებები
IELTS-ისა და TOEFL-ის მსგავსება ემყარება მათ მსოფლიო აღიარებასა და ენის ოთხი ძირითადი ცოდნის ამომწურავ შეფასებას. ამავდროულად, ამ ორს შორის მთავარი განსხვავება ისაა, რომ TOEFL-ის ფოკუსირება მხოლოდ ამერიკულ ინგლისურზეა, ხოლო IELTS-ში ხელმისაწვდომია ინგლისურის მრავალფეროვანი აქცენტები. გარდა ამისა, IELTS გამოცდაზე მეტყველების განყოფილება ტარდება პირადად გამომცდელთან, თუმცა TOEFL მთლიანად კომპიუტერზეა დაფუძნებული. მთლიანობაში, გამოცდის არჩევანი დამოკიდებული უნდა იყოს პირად პრეფერენციებზე და გამოცდის შედეგების მიზნობრივ გამოყენებაზე.
IELTS და TOEFL გამოცდების სტრუქტურა და ხანგრძლივობა
მიუხედავად იმისა, რომ ორივე IELTS და TOEFL შედგება 4 სექციისგან, ესენია კითხვა, წერა, საუბარი და მოსმენა, ხანგრძლივობისა და სტრუქტურის თვალსაზრისით არის გარკვეული განსხვავებები. TOEFL ტესტი მთლიანად კომპიუტერზეა დაფუძნებული და ტარდება ერთ დღეში. ის გრძელდება 3-დან 4 საათამდე ავტომატური კითხვისა და მოსმენის სექციებით, ხოლო ლაპარაკის და წერის სექციები მოგვიანებით ფასდება ადამიანური გამომცდელების მიერ. IELTS გამოცდაზე Reading, Listening და Writing მიიღება ერთად ერთ დღეში 2 საათისა და 45 წუთის განმავლობაში, ხოლო Speaking სექცია შეიძლება ჩატარდეს თუნდაც ერთი კვირით ადრე ან უფრო გვიან, ვიდრე დანარჩენი გამოცდა.
TOEFL და IELTS ქულები და მათი ღირებულება
მიუხედავად იმისა, რომ მოქმედების ვადა, როგორც IELTS, ასევე TOEFL-ისთვის არის იგივე 2 წელი, მათი ქულების სისტემა განსხვავებულია. TOEFL-ის გამოცდაზე შეიძლება 0-დან 120-მდე მიიღოთ მაქსიმუმ 30 ქულა თითოეული სექციისთვის. უნივერსიტეტების უმრავლესობის მიერ მიღებული მინიმალური ქულა არის 80, მაგრამ რაც უფრო მაღალია ქულა, მით მეტი შანსი ექნება ადამიანს. IELTS ქულები 0-დან 9-მდე დიაპაზონშია. თითოეული სექციისთვის სტუდენტები ფასდება 9-დან და გამოითვლება საშუალო ქულა ოთხივე სექციისთვის. 7.0 უკვე კარგია, მაგრამ რაც უფრო მაღალია ქულა, მით უფრო დახვეწილია. ორივე გამოცდის ფასი დაახლოებით იგივეა (დაახლოებით 245$ აშშ-ში), მაგრამ ისინი შეიძლება განსხვავდებოდეს ქვეყნების მიხედვით.
IELTS/TOEFL განათლების, სამუშაოსა და მიგრაციისთვის
IELTS და TOEFL ორივეს თავისი ღირებულება აქვს და აღიარებულია მთელ მსოფლიოში, მაგრამ ინგლისური ენის ცოდნის შესამოწმებლად არჩევანის გაკეთებისას უნდა გაითვალისწინოთ რამდენიმე ფაქტორი. პირველი ფაქტორი არის ქვეყანა, სადაც აპირებთ გამგზავრებას, მიგრაციას, მუშაობას თუ სწავლას. ამ მხრივ, IELTS უფრო პრივილეგირებულია, რადგან ის მიღებულია გლობალურად, ხოლო TOEFL არ არის რელევანტური დიდ ბრიტანეთში ან კანადაში მიგრაციისთვის, ხოლო ავსტრალიაში გადასასვლელად მხოლოდ TOEFL iBT ვერსიის არჩევა შეიძლება.
როგორ მოვემზადოთ IELTS და TOEFL გამოცდებისთვის და როგორ ჩავაბაროთ ისინი?
თქვენი ინგლისური ენის დონის მიუხედავად, საფუძვლიანი მომზადება ორივე გამოცდაში წარმატების გასაღებია. მნიშვნელოვანია, რომ პედაგოგი იყოს გამოცდილი და იყენებდეს თანამედროვე მასალებს.
IELTS გამოცდისთვის შეგიძლიათ მოემზადოთ ჩვენს ცენტრში გამოცდილ პედაგოგთან. დაგვიკავშირდით 514 590 590
