კაუნასის ტექნოლოგიური უნივერსიტეტი ლიტვაში რეიტინგით არის N2 და N1 ტექნიკურ უნივერსიტეტებს შორის. დაარსების წელი 1922. სტუდენტთა საერთო რაოდენობა 11 ათასი, რომელთაგან 8% უცხოელია.

უნივერსიტეტის სთავაზობს მრავალ პროგრამას ინგლისურ ენაზე, ასევე მათთვის ვინც ინგლისური სათანადოდ არ იცის, შეუძლია გაიაროს ინგლისურ ენაში მოსამზადებელი პროგრამა. უნივერსიტეტში მისაღები გამოცდები არ არის (გარდა არქიტექტურის ფაკულტეტისა).

უნივერსიტეტს აქვს 19 ლაბორატორია, 12 სპორტული ცენტრი (სხვადასხვა სახეობებისთვის), 6 ხელოვნების წრე (მუსიკა, ცეკვა, ფოტოგრაფია და სხვ.), ფუნქციონირებს 30-ზე მეტი სტუდენტური ორგანიზაცია.

სტრატეგიული პარტნიორობა აქვთ ისეთ უნივერსიტეტებთან, როგორებიცაა სტენფორდი (აშშ) და აალტო (ფინეთი), ასევე აქტიურად არიან ჩართული ცნობილ საერთაშორისო ასოციაციებში, როგორიცაა EUA, SEFI და CESAER, საერთო ჯამში KTU ხელს უწყობს ცოდნის დინამიურ გადაცემით საზოგადოების ჩამოყალიბებას.

კაუნასის ტექნოლოგიური უნივერსიტეტი სათავეს იღებს ლიტვის უნივერსიტეტიდან, რომელიც დაარსდა 1922 წლის 16 თებერვალს კაუნასში, როდესაც გადაკეთდა უმაღლესი კურსები, რომლებიც დაარსდა 1920 წლის 27 იანვარს.

1930 წელს ლიტვის უნივერსიტეტს დაერქვა ვიტაუტას მაგნუსის უნივერსიტეტი, 1940 წელს კაუნასის უნივერსიტეტი, 1941 წლის ზაფხულში ვიტაუტას მაგნუსის სახელი დაუბრუნდა უნივერსიტეტს, 1944 წელს მას ეწოდა ვიტაუტას მაგნუსის ეროვნული უნივერსიტეტი კაუნასში, 1946 წელს – კაუნასის ეროვნული უნივერსიტეტი.

1950 წელს, მას შემდეგ რაც მედიცინის ფაკულტეტი გამოეყო კაუნასის ეროვნულ უნივერსიტეტს, უნივერსიტეტი გადაკეთდა კაუნასის პოლიტექნიკურ ინსტიტუტად, რომელიც გახდა კაუნასის ტექნოლოგიური უნივერსიტეტი ლიტვის რესპუბლიკის უმაღლესი საბჭოს გადაწყვეტილების შემდეგ 1990 წლის 31 ოქტომბერს. 

კაუნასის ტექნოლოგიური უნივერსიტეტის (შემდგომში – უნივერსიტეტი) მისიაა სამეცნიერო კვლევებზე დაფუძნებული საერთაშორისო დონის სწავლის უზრუნველყოფა; ცოდნისა და ახალი ტექნოლოგიების გენერირება და გადაცემა საზოგადოების ჰარმონიული განვითარებისა და ინოვაციების გავრცელებისთვის; შექმნას გარემო, რომელიც იქნება ღია და შთამაგონებელი ნიჭიერი ადამიანებისა და ლიდერული თვისებების მქონე ადამიანებისთვის; ხელი შეუწყოს დემოკრატიისა და ეროვნული კულტურის განვითარებას.

უნივერსიტეტი გთავაზობთ სწავლას ინგლისურ ენაზე შემდეგ სპეციალობებში (სწავლის ფასი მითითებულია წელიწადში):

სარეგისტრაციო გადასახადი: 100 EUR

ჩარიცხვის პირობები:
minimum average grade (CGPA) > 60%

ინგლისური ენის ცოდნა:
ბაკალავრიატი: IELTS ≥5.5, TOEFL ≥75, CEFR ≥B2, IESOL B2, Graduate Record Examinations (GRE), PTE
მაგისტრატურა: IELTS ≥6.0, TOEFL ≥85, CEFR ≥C1, IESOL C1, GRE, PTE
თუ საშუალო სკოლა ან ბაკალავრიატი ინგლისურ ენაზე გაქვთ დამთავრებული, მაშინ სერტიფიკატი არ არის აუცილებელი.
ინგლისური ენის სერტიფიკატის არქონის შემთხვევაში შესაძლებელია შიდა ტესტის ჩაბარება.

ცხოვრების საფასური:
უნივერსიტეტს აქვს 12 კეთილმოწყობილი სტუდენტური საცხოვრებელი კაუნასში, სადაც სტუდენტებისთვის არის ერთი და მეტი საწოლიანი ოთახები. საცხოვრებლის საშუალო ფასი თვეში დაახლოებით 100 ევროა (50-დან 140 ევრომდე – დამოკიდებულია ოთახის ტიპზე).

საბუთების მიღების ვადები:
ბოლო ვადაა 30 ივნისი 2024.

სწავლის დაფინანსება:
– ლიტვის მთავრობის გრანტი;
– წარმატებული სტუდენტის სტიპენდია (76 ევრო თვეში – 1 სემესტრის განმავლობაში) – ეძლევა მაღალი აკადემიური მოსწრების სტუდენტებს სწავლის შედეგების მიხედვით (GPA).
– ერთჯერადი წამახალისებელი სტიპენდია (დეკანის გადაწყვეტილებით 114 ევრო ან რექტორის გადაწყვეტილებით 304 ევრო) – ეძლევა სოციალურად აქტიურ სტუდენტს სხვადასხვა პროექტებში მონაწილეობისათვის.
– რექტორის წამახალისებელი სტიპენდია სწავლასა და კვლევაში (190 ევრო თვეში, 1 სემესტრის განმავლობაში).
– ერთჯერადი მიზნობრივი სტიპენდია – კონფერენციებსა, სემინარებში ან რაიმე ღონისძიებებში მონაწილეობისთვის.
– კომპანიებისა და სპონსორების სტიპენდია – 290 დან 3475 ევრომდე ეძლევა ნიჭიერ სტუდენტებს (დამოკიდებულია სხვადასხვა პირობებზე).
– ერთჯერადი სოციალური სტიპენდია (152 ევრო ან მეტი) ეძლევა დახმარების სახით სტუდენტს (სერიოზული ავადმყოფობის, ან ოჯახის წევრის დაკარგვის, ან სხვა გაჭირვების შემთხვევაში).